پاکستان کے سابق کوچ کو ایک اور ٹیم کی کوچنگ مل گئی

پاکستان کے سابق غیرملکی کوچ ڈیو واٹمور کو نیپال کی قومی کرکٹ ٹیم کا ہیڈکوچ مقرر کر دیا گیا۔

پاکستان، بنگلادیش، زمبابوے اور سری لنکن ٹیم کی کوچنگ کا تجربہ رکھنے والے ڈیو واٹمور کو نیپالی ٹیم کی کوچنگ کا چیلنج مل گیا۔

ان کا سب سے بڑا امتحان نیپالی ٹیم کو 2022 میں ہونے والے ٹی ٹوئنٹی ورلڈکپ کے لیے کوالیفائی کروانا ہے، یہ ایشیائی ٹیم 2021 کے ٹی ٹوئنٹی ورلڈکپ کے لیے کوالیفائی میں ناکام رہی ہے۔

66سالہ واٹمور امیش پٹوال کی جگہ لیں گے جنہوں نے رواں سال کے آغاز میں ٹیم کو الوداع کہہ دیا تھا۔

واٹمور مارچ 2012 میں پاکستانی کرکٹ ٹیم کے کوچ مقرر کیے گئے تھے لیکن ان کے ہوتے ہوئے پاکستانی ٹیم کوئی بھی ٹیسٹ سیریز نہ جیت سکی۔اس نے دس میں سے صرف دو ٹیسٹ میچ جیتے۔

Sharing is caring!

Comments are closed.