کراچی میں موٹرسائیکل دھماکے میں متعدد افراد زخمی

کراچی: شیریں جناح کالونی میں بم دھماکے سے متعدد افراد زخمی ہوگئے۔

ایکسپریس نیوز کے مطابق کراچی کے علاقے شیریں جناح کالونی میں 20 نمبر بس کے آخری اسٹاپ کے قریب دھماکا ہوگیا، جس کے نتیجے میں متعدد افراد زخمی ہوگئے۔ زخمیوں کو فوری طور پر قریبی اسپتال منتقل کردیا گیا ہے۔

ایس ایس پی کراچی جنوبی شیراز نذیر کا کہنا ہے کہ دھماکا خیزموادسائیکل میں نصب کیا گیا تھا۔
واضح رہے کہ اس سے قبل یہ خبر آئی تھی کہ واقعہ سیلنڈر پھٹنے کے نتیجے میں پیش آیا ہے۔ بارودی مواد کے ساتھ بال بیرنگ کا استعمال کیا گیا ہے تاکہ زیادہ سے زیادہ جانی و مالی نقصان ہوسکے۔ بم ڈسپوزل اسکواڈ نے جائے وقوعہ سے شواہد اکٹھا کرلئے ہیں۔

انچارج سی ٹی ڈی راجہ عمر خطاب نے جائے وقوعہ کا دورہ کیا۔ اس موقعے پر انہوں نے کہا تحقیقات کررہے ہیں کے دھماکے کا ٹارگٹ کون تھا۔دھماکے میں ایک کلو بارودی مواد استعمال کیا گیا۔دھماکے میں ایک کلو بارودی مواد استعمال کیا گیا۔بم دیسی ساختہ تھا جسے سائیکل کے اوپر نصب کیا گیا۔

Sharing is caring!

Comments are closed.