کرکٹ جنوبی افریقا کے 2 رکنی وفد کی لاہور آمد، تینوں فارمیٹس کی سیریز کا امکان

وفد اس بات کا فیصلہ کریگا کہ پروٹیز جنوری 2021ء میں سیریز کیلئے پاکستان کا سفر کریں گے یا نہیں

لاہور (اردو پوائنٹ تازہ ترین اخبار ۔ 9 اکتوبر 2020ء ) زمبابوے کرکٹ کے بعد اب کرکٹ جنوبی افریقا بھی آئندہ ماہ 2رکنی وفد لاہور بھیج رہا ہے جو پاکستان میں سکیورٹی سمیت دیگر معاملات کا جائزہ لے گا۔ یہ وفد کووڈ-19صورتحال کا بھی قریب سے جائزہ لے گا ۔یہی وفد اس بات کا فیصلہ کرےگا کہ پروٹیز جنوری 2021ء میں سیریز کے لئے پاکستان کا سفر کریں گے یا نہیں کریں گے۔

پاکستان کرکٹ بورڈ نے تصدیق کی ہے کہ 14 سے 17 نومبر کے درمیان ہونے والے پاکستان سپر لیگ کے باقی ماندہ 4 میچز کے دوران جنوبی افریقاکا ایک وفد لاہور کا دورہ کرے گا۔پی سی بی ذرائع نے یہ بھی بتایا ہے کہ ابھی یہ فیصلہ نہیں کیا گیا ہے کہ جنوبی افریقا پاکستان میں صرف ٹیسٹ میچز کھیلے گا یا محدود اوورز کے میچزبھی ہونگے۔

ذرائع نے دعویٰ کیا ہے کہ امکان یہی ہے کہ جنوبی افریقا پاکستان میں ون ڈے اور ٹی 20 میچ کھیلنے پر بھی آمادہ ہوگا۔جنوبی افریقا کی ٹیم کا دورہ پاکستان جنوری 2021ء میں ٹیسٹ میچز کے لئے شیڈول تھا۔ مارچ 2009ء میں سری لنکن ٹیم بس پر حملہ کے بعد انگلینڈ ، آسٹریلیا ، جنوبی افریقا اور نیوزی لینڈ جیسی ٹیمیں سکیورٹی خدشات کے سبب پاکستان کا دورہ نہیں کرسکی ہیں ۔ ذرائع کا کہنا ہے کہ جنوبی افریقا کےدورہ آکے بعد دیگر ٹاپ ٹیموں کے بھی پاکستان میں کھیلنے کی راہ ہموار ہوگی۔ وائٹ بال سیریز کے لئے اکتوبر ،نومبر میں پاکستان زمبابوے کی میزبانی کرے گا۔پاکستان نے گزشتہ سیزن میں سری لنکا اور بنگلہ دیش کے خلاف ٹیسٹ کی میزبانی کی تھی۔

Sharing is caring!

Leave a Reply

Your email address will not be published. Required fields are marked *